എഴുത്താണികൊണ്ട്
കോറിയിട്ട ലിഖിതങ്ങൾ.
ചുറ്റും കത്തിജ്വലിക്കുന്ന
നക്ഷത്രശിഖ.
നീയായും ഞാനായും
പൂക്കളായും ഫലങ്ങളായും
പുനർജനിക്കുന്ന നാളെകൾ...
അവയ്ക്ക് എത്ര ഇന്നലെകളുടെ
പ്രേതരൂപങ്ങളെ കൂട്ടിയിണക്കണം!
ഒന്നും എനിക്കറിയില്ല...
പക്ഷേ, ഒരിക്കൽ നിന്നെ ഞാൻ രൂപപ്പെടുത്തും
നക്ഷത്രങ്ങൾ ജീവിതം രൂപകല്പനചെയ്യുന്ന അതേ അച്ചിൽ...
ഒരു വ്യത്യസം മാത്രം...
പിരിയൻ കോണികളിൽ എന്റെ പാദമുദ്രകൾ...
എന്റെ കാലൊച്ചകൾ...
നിന്റെ യാത്രകൽക്ക് ഭൂപടമൊരുക്കുന്നത് ഞാൻ...
പിന്നെ
ഒരുവിഷപ്പൂവിനും നിന്നെ സ്പർശിക്കാനാവില്ല.
ഒരു നക്ഷത്രത്തിനും എന്നെ പുറം തള്ളാനാവില്ല.
