ഇന്നു രാവിലെ ഉണര്ന്നപ്പോള്
ഞാന് ഞെട്ടിപ്പോയി
എന്റെ ചിന്തകളെല്ലാം
നിലത്ത് ഒഴുകിപ്പരന്നുകൊണ്ടിരിക്കുന്നു.
കുറെയെണ്ണം വായുവില് പറന്നു നടക്കുന്നു
കണ്ണുതിരുമ്മിനോക്കിയപ്പോള്
സത്യമാണ്, പൊയ്ക്കാഴ്ചയല്ല.
വേഗം ഞാന് എല്ലാം
വാരിയെടുക്കാന് ശ്രമിച്ചു
എത്താവുന്ന ഉയരത്തിലേക്കൊക്കെ
ചാടിപ്പിടിച്ചു
അയ്യോ, എത്രയെണ്ണം
മറ്റുമനസ്സുകളിലേക്കു
അറിയാതെ കയറിയിട്ടുണ്ടാകുമോ എന്തോ!
ശ്ശെ, എന്താണിന്നലെ സംഭവിച്ചത്?
എന്റെ ഓര്മ്മകള്....
ഇന്നലെ അവ ആരെയാണ്
അവസാനമായി പിന്തുടര്ന്നു പോയത്...
